कलावंतांनी जीवन प्रमाणपत्र सादर करण्याचे आवाहन
यवतमाळ,दि.18 नोव्हेंबर (जिमाका):- महाराष्ट्र शासनाच्या पर्यटन व सांस्कृतिक विभागामार्फत कला व साहीत्य क्षेत्रातील मान्यवर कलावंताकरीता वृध्द साहित्यक व कलावंत मानधन योजना राबविण्यात येते. त्यामध्ये निवड झालेल्या कलावंताना तहह्यात दरमहा मानधन संचालक,सांस्कृतिक कार्य संचलनालय,मुंबई यांचे स्तरावरून ऑनलाईन पध्दतीने कलावंताचे बॅंक खात्यात जमा करण्यात येते. सदर मानधन सुरळीत सुरू राहण्याकरीता मानधनधारक कलावंतानी नोव्हेंबर 2022 मध्ये त्यांचा हयातीचा दाखला सादर करावा असे आवाहन करण्यात येत आहे.
यवतमाळ जिल्ह्यातील वृध्द साहित्यीक व कलावंत मानधन योजनेअंतर्गत पात्र मानधनधारक कलावंतानी त्यांचा नोव्हेंबर 2022 मधील हयात असल्याचा दाखला,बँक खात्याची झेरॉक्स प्रत व आधारकार्डची झेरॉक्सप्रत,संपर्क क्रमांक ई माहिती संबधीत पंचायत समिती कार्यालयात जमा करावी, असे आवाहन जिल्हा समाज कल्याण अधिकारी यांनी केले आहे.
Comments
Post a Comment