राष्ट्रीय युवा पुरस्कारकरीता प्रस्ताव आमंत्रित*

यवतमाळ, दि 2 नोव्हेंबर, (जिमाका) :- सन 2020-21 या वर्षाकरिता राष्ट्रीय युवा पुरस्कारासाठी अर्ज मागविण्यात आले आहे. 15 ते 29 वर्षे या वयोगटातील युवक, युवती आणि नोंदणीकृत संस्था यांनी 6 नोव्हेंबर 2022 पर्यंत विहित शिफारसीसह प्रस्ताव https://awards.gov.in या केंद्र शासनाच्या पोर्टलवर ऑनलाईन अर्ज सादर करावेत. राष्ट्रीय विकास व सामाजिक क्षेत्रात उल्लेखनिय कार्य तसेच आरोग्य, संशोधन आणि नाविन्य, सांस्कृतीक, मानवाधिकार, प्रोत्साहन, कला व साहित्य, पर्यटन, परंपरागत औषधी, जागरुक नागरीक, समुदाय सेवा, क्रीडा व शैक्षणिक क्षेत्रात विकासात्मक कार्य आणि स्मार्ट शिक्षण या क्षेत्रात काम करणारे युवक, युवती या पुरस्कारासाठी पात्र आहेत. 15 ते 29 वयोगटातील युवक-युवती व पंजिबध्द संस्था यांनी 6 नोव्हेंबर 2022 पर्यंत ऑनलाईल पध्दतीने भरुन त्या प्रस्तावाच्या प्रती आवश्यक सर्व कागदपत्रांसह व शिफारसीसह जिल्हा क्रीडा अधिकारी कार्यालय यवतमाळ या ठीकाणी सादर करणे आवश्यक आहे. https://awards.gov.in या पोर्टल व्यतीरीक्त इतर मार्गाद्वारे प्राप्त झालेल्या अर्जाचा विचार केल्या जाणार नाही, असे जिल्हा क्रिडा अधिकारी नंदा खुरपुडे यांनी कळविले आहे.