अग्निवीरवायु म्हणून तरुणांना वायुसेनेत नोकरीची संधी
23 नोव्हेंबरपर्यंत करता येणार अर्ज
यवतमाळ, दि. 11 नोव्हेंबर (जिमाका):- भारतीय वायुसेनेच्या अग्निपथ या योजनेअंतर्गत अग्निवीर वायु म्हणुन भारतीय वायु सेनेत प्रवेश घेवु इच्छिणाऱ्या तरुण- तरूणींना सुवर्ण संधी प्राप्त झालेली आहे. अग्निवीरवायु या पदासाठी २३ नोव्हेंबर पर्यंत अर्ज सादर करता येणार आहे.
भारतीय वायु सेनेत सहभागी होणेकरीता अग्निवीर वायु पदाची परीक्षा देणे आवश्यक आहे. त्याकरीता http://agnipathvayu.cdac.in या संकेतस्थळावर अर्ज सादर करावा,असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त विद्या शितोळे यांनी केले आहे.
औद्योगिक प्रशिक्षण संस्थेमध्ये शिकाऊ उमेदवार भरती मेळावा
१६ ते २१ हजार दरमहा वेतन : अखिल भारतीय व्यवसाय परीक्षा अंतर्गत जुलैमध्ये आयटीआय परीक्षेचे निकाल घोषित झालेले आहेत. उत्तीर्ण प्रशिक्षणार्थ्यांना शिकाऊ उमेदवारी तसेच रोजगाराची संधी उपलब्ध व्हावी यासाठी यवतमाळच्या आयटीआयमध्ये सुझुकी मोटर गुजरात प्रा. लिमिटेड हंसलपुर, गुजरात या नामांकित कंपनीचा भरती मेळावा २२ सप्टेंबर रोजी सकाळी ९.३० वाजता आयोजित केला आहे. या कंपनीमार्फत अॅप्रेन्टीस करीता १६ हजार ९०० तसेच फिक्स टर्म करीता २१ हजार दरमहा वेतन दिले जाणार आहे. या मेळाव्यामध्ये फिटर, टर्नर, वेल्डर, मशिनिस्ट, इलेक्ट्रीशियन, मोटार मेकॅनिक व्हेईकल, मेकॅनिक डिझल, मेकॅनिक ट्रॅक्टर, टुल अॅण्ड डायमेकर, पिपीओ व पेन्टर जनरल व्यवसायासाठी जागा उपलब्ध आहेत. यासाठी इयत्ता १० वी मध्ये किमान ४० टक्के गुण, आयटीआयमध्ये किमान ५० टक्के गुण तसेच रूजु होतेवेळी वय १८ ते २४ वर्ष असणे आवश्यक आहे. या संधीचा जिल्ह्यातील सर्व पात्र उमेदरावांनी फायदा घ्यावा, असे आवाहन संस्थेचे प्राचार्य व्ही. जे. नागोरे यांनी केले आहे.
Comments
Post a Comment