तूर खरेदीसाठी ऑनलाईन नोंदणी करण्याचे आवाहन

हंगाम २०२३-२४ मध्ये नाफेडच्या वतीने पीएसएफ योजनेअंतर्गत बाजार भावाने तूर खरेदीसाठी शेतकऱ्यांची नोंदणी करण्यासाठी महाराष्ट्र स्टेट को. ऑपरेटिव्ह मार्केटिंग फेडरेशन लि. मार्फत ३ खरेदी केंद्र उघडण्यात आलेले आहे. यात महागाव तालुका खरेदी विक्री समिती, पांढरकवडा तालुका खरेदी विक्री समिती, दिग्रस खरेदी विक्री समिती यांचा समावेश आहे. यवतमाळ जिल्ह्यातील तूर खरेदीसाठी ऑनलाईन नोंदणी दिनांक १३ डिसेंबर २०२३ ते शासनाकडून अंतिम मुदतीचा आदेशा प्राप्त होईपर्यंत करण्यात येणार आहे. ऑनलाईन नोंदणी करण्यासाठी शेतकऱ्यांनी आवश्यक कागदपत्रे जसे आधारकार्ड, सातबारा उतारा, ऑनलाईन पिकपेरा व बँकेचे पासबुकची सुस्पष्ट झेरॉक्स प्रत संबंधित खरेदी केंद्रावर देवुन तूर खरेदीसाठी ऑनलाईन नोंदणी करुन घ्यावी, असे आवाहन जिल्हा पणन अधिकारी अर्चना माळवे यांनी केले आहे.