जिल्ह्यात आणखी एक पॉझेटिव्ह तर एकाला सुट्टी
यवतमाळ, दि. 09 : महागाव येथील कारोनाबाधित मृतकाच्या निकटच्या
संपर्कात आलेल्या व्यक्तिचा रिपोर्ट पॉझेटिव्ह आल्यामुळे कोरोनाबाधित रुग्णांच्या
संख्येत एकाने भर पडली. तर आयसोलेशन वॉर्डात भरती असलेला एक जण उपचारानंतर
पूर्णपणे बरे झाल्यामुळे त्याला सुट्टी देण्यात आली आहे.
जिल्ह्यात नव्याने
पॉझेटिव्ह आलेल्या रुग्णाला कोव्हीड केअर सेंटर येथून वसंतराव नाईक शासकीय
वैद्यकीय महाविद्यालयाच्या आयसोलेशन वॉर्डात दाखल करण्यात आले आहे. त्यामुळे
ॲक्टीव्ह पॉझेटिव्ह रुग्णांची संख्या 34 झाली होती. मात्र भरती असलेला एक जण
‘पॉझेटिव्ह टू निगेटिव्ह’ झाल्यामुळे त्याला वैद्यकीय महाविद्यालयातून सुट्टी
देण्यात आली. त्यामुळे ॲक्टीव्ह पॉझेटिव्हचा आकडा पुन्हा 33 झाला आहे.
Comments
Post a Comment