तोफखाना रजिमेंटच्या माजी सैनिकच्या समस्या सोडविण्यासाठी 19 सप्टेंबरला संपर्क अभियान

यवतमाळ, दि. 13 सप्टेंबर (जिमाका):- तोफखाना रजिमेंटचा “196 वा गनर डे” दिनांक 28 सप्टेंबर 2022 रोजी संभाजीनगर (औरंगाबाद) येथे साजरा करण्यात येणार आहे. सदर कार्यक्रमामध्ये आर्टीलरी रजिमेंटचे सेवानिवृत्त अधिकारी / जवान तसेच आर्टीलरी रजिमेंटच्या माजी सैनिक विधवांच्या निवृत्तीवेतन, ई.सी.एच.एस. हॉस्पिटल, इन्शुरन्स कंपनीच्या अडि-अडचणी सोडविण्याकरिता संबंधित कार्यालयाच्या प्रतिनिधींना बोलवण्यात आले आहे. यवतमाळ, वाशिम आणि चंद्रपुर जिल्ह्यातील आर्टीलरी रजिमेंटचे सेवानिवृत्त अधिकारी / जवान तसेच आर्टीलरी रजिमेंटच्या माजी सैनिक विधवांच्या अडिअडचणी समजून घेण्याकरीता दिनांक 19 सप्टेंबर 2022 (सोमवार) रोजी दुपारी 4 वाजता संपर्क अभियानाचे आयोजन यवतमाळ येथे करण्यात येत असल्याबाबत कर्नल संदिप श्रीवास्तव, कमान अधिकारी, 169 मेडियम रजिमेंट यांनी कळविले आहे. तरी यवतमाळ जिल्ह्यातील आर्टीलरी रजिमेंटच्या सेवानिवृत्त अधिकारी / जवान तसेच आर्टीलरी रजिमेंटच्या माजी सैनिक विधवांनी त्यांच्या अडिअडचणी / तक्रारी असल्यास संबंधीत कागदपत्रासह दिनांक 19 सप्टेंबर 2022 (सोमवार) रोजी दुपारी 4 वाजता संपर्क अभियान अधिकाऱ्यांना भेटावे तसेच अधिक माहितीकरीता दुरध्वनी क्रमांक. 07232-245273 वर कार्यालयीन वेळेत संपर्क साधावा असे जिल्हा सैनिक कल्याण अधिकारी ललीतकुमार वऱ्हाडे यांनी कळविले आहे.