‘लिडकॉम आपल्या दारी’ कार्यक्रमाचे ९ फेब्रुवारी रोजी आयोजन

शासन आपल्या दारी या संकल्पने अंतर्गत संत रोहिदास चर्मोद्योग व चर्मकार विकास महामंडळाच्या जिल्हा कार्यालयाच्यावतीने ‘लिडकॉम आपल्या दारी’ कार्यक्रमाचे आयोजन करण्यात आले आहे. हा कार्यक्रम दि. ९ फेब्रुवारी रोजी सामाजिक न्याय भवन, यवतमाळ येथे सकाळी ११ वाजता आयोजित करण्यात आला असून त्याचे उद्घाटन जिल्हाधिकारी यांच्या हस्ते होणार आहे. या कार्यक्रमात चर्मकार समाजाच्या आर्थिक, सामाजिक व शैक्षणिक विकासासाठी कार्यशाळा व चर्मकार बांधवांना महामंडळाच्या योजनांची माहिती, योजनांचे माहितीपत्रके व इच्छूक उमेदवारांकडून फॉर्म भरून घेतले जाणार आहे. यासह मंजुरी पत्र व मंजूर प्रकरणांचे धनादेश वाटप करण्यात येणार आहे. एमसीईडीमार्फत महाराष्ट्रामध्ये २५ हजार युवक-युवतींना निवासी व अनिवासी प्रशिक्षण देण्याचे उद्दिष्ट आहे. त्यासाठी चर्मकार युवक युवतींची नोंदणी करण्यात येणार आहे. या कार्यक्रमात जिल्ह्यातील सर्व युवक-युवतींनी व चर्मकार बांधवांनी उपस्थित राहून कार्यशाळेचा लाभ घ्यावा, असे आवाहन जिल्हा व्यवस्थापक अल्का अस्वार यांनी केले आहे. 000