जिल्ह्यात सीसीआयचे सात कापूस खरेदी केंद्र दिग्रस, महागांव व यवतमाळ येथे केंद्र उघडण्याची कार्यवाही सुरु
भारतीय कापूस महामंडळ (सीसीआय) मार्फत यवतमाळ जिल्ह्यातील सात केंद्रांवर किमान हमी दराने कापूस खरेदी सुरु आहे. याव्यतिरिक्त दिग्रस, महागांव व यवतमाळ या तीन केंद्रांवर कापूस खरेदी केंद्र उघडण्याची कार्यवाही सुरु आहे, असे कापूस पणन महासंघाचे प्रभारी विभागीय व्यवस्थापक यांनी कळविले आहे.
यवतमाळ जिल्ह्यातील दारव्हा, घाटंजी, राळेगांव, वणी, खैरी, सिंदोला आणि पांढरकवडा या सात कापूस खरेदी केंद्रांवर भारतीय कापूस महामंडळ (सीसीआय) मार्फत एफएक्यू प्रतिच्या कापसाची किमान हमी दराने कापूस खरेदी सुरु आहे.
या व्यतिरिक्त सीसीआयमार्फत जिल्ह्यातील दिग्रस, महागांव व यवतमाळ या तीन केंद्रांवर किमान हमी दराने कापूस खरेदी केंद्र उघडण्याची कार्यवाही सुरु आहे.
सर्व कापूस उत्पादक शेतकरी बांधवांनी आपला कापूस आवश्यक त्या कागदपत्रांसह सीसीआयच्या नजिकच्या केंद्रांवर विक्री करावा, असे आवाहन करण्यात आले आहे.
०००
Comments
Post a Comment