जवाहर नवोदय विद्यालयाची आज निवड चाचणी
घाटंजी तालुक्यातील बेलोरा येथील जवाहर नवोदय विद्यालयातील इयत्ता नववी व अकरावी प्रवेशाकरिता निवड चाचणी दि. 10 फेब्रुवारी रोजी होणार आहे.
नववीसाठी परीक्षा केंद्र घाटंजी तालुक्यातील जवाहर नवोदय विद्यालय, बेलोरा व एस.पी.एम. बॉइज हायस्कुल, घाटंजी हे दोन परीक्षा केंद्र आहेत. तसेच इयत्ता अकरावीच्या सर्व विद्यार्थ्यांसाठी परीक्षा केंद्र जवाहर नवोदय विद्यालय, बेलोरा आहे. इयत्ता नववीसाठीची परीक्षा सकाळी 11.15 वाजता पासून दुपारी 1.45 तसेच अकरावीसाठी सकाळी 11 वाजता पासून दुपारी 1.30 या नियोजित वेळेत होणार आहे.
परीक्षेसाठी विद्यार्थ्यांनी एक तास अगोदर उपस्थित राहणे अनिवार्य आहे. या परीक्षेचे प्रवेशपत्र डाउनलोड करणे सुरू झाले असून विद्यार्थ्यांनी www.navodaya.gov.in या संकेतस्थळावरून प्रवेशपत्र डाऊनलोड करून घ्यावे व प्रवेशपत्रात नमुद केलेल्या परीक्षा केंद्रावर विद्यार्थ्यांनी उपस्थित रहावे, असे आवाहन जवाहर नवोदय विद्यालयाचे प्राचार्य के. डी. धोपटे यांनी केले आहे.
00000
Comments
Post a Comment