कौशल्य विकास विभागातर्फे 19 ते 28 ऑगस्ट दरम्यान

ऑनलाईन रोजगार मेळावा यवतमाळ, दि.18 ऑगस्ट (जिमाका) : जिल्हा कौशल्य विकास, रोजगार व उद्योजकता मार्गदर्शन केंद्र, यवतमाळ यांचे वतीने ऑनलाईन रोजगार मेळाव्याचे आयोजन दिनांक 19 ते 28 ऑगस्ट 2022 दरम्यान केले असल्याची माहिती जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त विद्या शितोळे यांनी दिली आहे. जिल्ह्यातील इच्छुक उमेदवारांनी rojgar.mahaswayam.gov.in या संकेतस्थळावर शैक्षणिक पात्रतेनुसार पसंतीक्रम नोंदवावा. किमान 12 वी पास उमेदवारांना सेवायोजन कार्य चा युझरेनेम व पासवर्ड ने लॉगीन करून या मेळाव्यात सहभागी होता येईल. अधिक माहितीकरिता 07232-244395 या क्रमांकावार संपर्क साधावा असे जिल्हा कौशल्य विकास विभागातर्फे कळविण्यात आले आहे.