औद्योगिक प्रशिक्षण संस्थेमध्ये शिकाऊ उमेदवार भरती मेळावा

इतर मागासवर्गीय विकास महामंडळाच्या बीज भांडवल योजनेसाठी अर्ज आंमत्रित यवतमाळ, दि 3 ऑगस्ट (जिमाका) :- महाराष्ट्र राज्य इतर मागासवर्गीय वित्त आणि विकास महामंडळ जिल्हा कार्यालय यवतमाळ यांचे मार्फत विविध योजनेंतर्गत यवतमाळ जिल्ह्यातील इतर मागास प्रवर्गातील बेरोजगारांना स्वयंरोजगाराकरीता सन 2022-23 या आर्थिक वर्षासाठी बीज भांडवल कर्ज योजना 46 भौतिक व 27.42 लक्ष आर्थीक,वैयक्तिक कर्ज व्याज परतावा योजना 119 भौतिक व 135.66 लक्ष आर्थीक, गट कर्ज व्याज परतावा योजना 13 भौतिक व 70.85 लक्ष आर्थीक तसेच वैयक्तिक थेट कर्ज योजना 100 भौतिक व 100 लक्ष व शैक्षणिक कर्ज व्याज परतावा योजना 11 भौतिक व 16.50 लक्ष आर्थिक आर्थिक उद्दिष्ट ठरविण्यात आले आहे. वैयक्तिक कर्ज व्याज परतावा, गट कर्ज व्याज परतावा व शैक्षणिक कर्ज व्याज परतावा योजनांचे उद्देश, स्वरुप व पात्रतेचे निकष याची सविस्तर माहिती करिता महामंडळाच्या वेबसाईट www.msobcfdc.org या वेबसाईटवर अर्ज करावा. तसेच बीज भांडवल व थेट कर्ज योजने बाबत जिल्हा कार्यालयात डॉ बाबासाहेब आंबेडकर सामाजिक न्याय भवन, दक्षता भवनच्या मागे, दारव्हा रोड, यवतमाळ येथे तसेच दूरध्वनी क्रमांक 07232-243052 यावर संपर्क साधावा, असे जिल्हा व्यवस्थापक महाराष्ट्र राज्य इतर मागासवर्गीय वित्त आणि विकास महामंडळ (मर्या) यवतमाळ यांनी कळविले आहे.