अनधिकृत संस्थांमध्ये प्रवेश घेऊ नये
यवतमाळ,दि.12 आँगस्ट जिमाका:- शासनाची मान्यता नसलेल्या अनधिकृत संस्था प्रवेशासाठी इच्छुक विद्यार्थ्यांना खोटी आमिषे दाखवून अथवा संस्था मान्यता प्राप्त आहे असे भासवून प्रवेश घेण्यास प्रवृत्त करतात व नंतर विद्यार्थ्यांना त्यांची फसवणूक झाल्याचे निर्दशनास येते. कौशल्य व्यवसाय शिक्षण व प्रशिक्षण संबंधी प्रमाणपत्र, पदविका अभ्यासक्रमासाठी प्रवेशोच्छुक विद्यार्थी व पालक यांनी महाराष्ट्र शासन यांची मान्यता व महाराष्ट्र राज्य कौशल्य, व्यवसाय शिक्षण व प्रशिक्षण मंडळ यांची सलग्नता नसलेल्या संस्थांमध्ये प्रवेश घेऊ नये. अनधिकृत संस्थेच्या भुलथापांना,त्यांच्या खोट्या दाव्यांना व जाहिरातींना बळी न पडता संस्था व अभ्यासक्रमाची मान्यता शासनाच्या वा मंडळाच्या अधिकृत संकेतस्थळावर https://msbsd.edu.in तपासून खात्री करावी व नंतरच प्रवेश घ्यावा असे आवाहन महाराष्ट्र राज्य कौशल्य, व्यवसाय शिक्षण व प्रशिक्षण मंडळाचे संचालक योगेश पाटील यांनी केले आहे.
महाराष्ट्र राज्य कौशल्य, व्यवसाय शिक्षण व प्रशिक्षण मंडाळामार्फत विविध ३६ गटात (sector) कौशल्य व्यवसाय शिक्षण (vocational education) व व्यवसाय प्रशिक्षण (vocational training) संबंधी प्रमाणपत्र व पदविका अभ्यासक्रम शासन मान्यता व मंडळाद्वारे संलग्नता प्राप्त शासकीय, निमशासकीय व खाजगी संस्थामार्फत राबविण्यात येत आहेत. कौशल्य व्यवसाय शिक्षण व प्रशिक्षण अभ्यासक्रम व संस्थांना मंडळ तसेच राज्य व प्रसंगी केंद्र शासनाची मान्यता असणे आवश्यक आहे. मंडळाच्या https://msbsd.edu.in या संकेतस्थळावर सक्षम प्राधिकरणाची मान्यता असलेल्या संस्था व सदर संस्थेत चालविल्या जाणाऱ्या अधिकृत अभ्यासक्रमाची यादी उपलब्ध आहे. त्यामुळे महाराष्ट्र राज्य कृषी, पशु व मत्स्य विज्ञान, आरोग्य विज्ञान, उच्च व तंत्र व व्यवसाय शिक्षण यामधील अनधिकृत संस्था स्थापन करण्यास आणि अनधिकृत पाठ्यक्रम सुरू करण्यास मनाई करण्यात आली आहे. तदानुषंगिक बाबीकरिता तरदूत करण्यासाठी महाराष्ट्र राज्य कृषी पशु व मत्स्य विज्ञान, आरोग्य विज्ञान, उच्च,तंत्र व व्यवसाय शिक्षण यामधील अनधिकृत संस्था व अनधिकृत अभ्यास पाठ्यक्रम प्रतिबंध अधिनियम सन 2013 चा महाराष्ट्र अधिनियम क्रमांक 20 लागू करण्यात आला आहे.
शासनाची मान्यता नसलेल्या/अनधिकृत संस्था प्रवेशास इच्छुक विद्यार्थ्यांना खोटी आमिषे दाखवून अथवा संस्था मान्यता प्राप्त आहे असे भासवून प्रवेश घेण्यास प्रवृत्त करतात. नंतर विद्यार्थ्यांना त्यांची फसवणूक झाल्याचे निर्दशनास येते. कौशल्य व्यवसाय शिक्षण व प्रशिक्षण संबंधी प्रमाणपत्र, पदविका अभ्यासक्रमासाठी प्रवेशोच्छुक विद्यार्थी वर्ग व पालक यांनी काळजी घ्यावी. महाराष्ट्र शासन यांची मान्यता व महाराष्ट्र राज्य कौशल्य,व्यवसाय शिक्षण व प्रशिक्षण मंडळ यांची सलग्नता नसलेल्या संस्थांमध्ये प्रवेश घेऊ नये. अनअधिकृत संस्थेच्या भुलथापांना,त्यांच्या खोट्या दाव्यांना व जाहिरातींना बळी न पडता संस्था व अभ्यासक्रमाची मान्यता शासनाच्या वा मंडळाच्या अधिकृत संकेतस्थळावर https://msbsd.edu.in तपासून खात्री करावी व नंतरच प्रवेश घ्यावा.
अभ्यासक्रमासाठी राज्यातील संस्था व अभ्यासक्रम मान्यतेबाबत व अनधिकृत संस्थांच्या तक्रारीबाबत मंडळ, व्यवसाय शिक्षण व प्रशिक्षण प्रादेशिक कार्यालय अथवा जिल्हा व्यवसाय शिक्षण व प्रशिक्षण अधिकारी कार्यालय, यांच्याशी संपर्क साधावा असे आवाहन संचालक महाराष्ट्र राज्य कौशल्य व्यवसाय शिक्षण व प्रशिक्षण मंडळ मुंबई येथील. योगेश पाटील यांनी केले आहे.
Comments
Post a Comment