जवाहर नवोदय विद्यालयाची प्रवेश पूर्व परीक्षा २० जानेवारीला
४० परीक्षा केंद्र ; ९९०९ विद्यार्थी देणार परीक्षा
जिल्ह्यातील एकमेव जवाहर नवोदय विद्यालयात इयत्ता सहावीतील प्रवेशासाठी दरवर्षीप्रमाणे यंदा शनिवार दि. २० जानेवारी रोजी पूर्व परिक्षेचे आयोजन करण्यात आले आहे.
या परिक्षेसाठी प्रशासनाने पूर्व तयारी केलेली आहे. ही प्रवेश पूर्व परीक्षा जिल्ह्यातील १६ तालुक्यातील ४० केंद्रावर घेण्यात येत आहे. ९ हजार ९०९ विद्यार्थी परीक्षेला बसणार आहेत. ही परीक्षा सकाळी ११ ते दुपारी १.३० वाजेदरम्यान होईल.
ही प्रवेश पूर्व परीक्षा देणाऱ्या विद्यार्थ्यांनी आपले प्रवेश पत्र ऑनलाईन पध्दतीने डाऊनलोड करुन परीक्षा केंद्रावर न चुकता ९ वाजता हजर राहावे, असे आवाहन नवोदय विद्यालयाचे प्राचार्य कमलाकर धोपटे यांनी केले आहे.
Comments
Post a Comment