जवाहर नवोदय विद्यालयाची प्रवेश पूर्व परीक्षा सुरळीत

जवाहर नवोदय विद्यालयाच्या इयत्ता सहावीसाठी प्रवेश पूर्व परीक्षा शनिवार दि. २० जानेवारी रोजी जिल्ह्यातील ४० केंद्रावर सुरळीत पार पडली. ही पूर्व परीक्षा जिल्ह्यातील १६ तालुक्यातील ४० केंद्रावर घेण्यात आली होती. या परिक्षेसाठी ९ हजार ९०९ विद्यार्थ्यांनी नोंदणी केली होती त्यापैकी ९१७२ विद्यार्थी परिक्षेला बसले होते. परीक्षा सुरळीत होण्यासाठी जिल्हा प्रशासनाने व शिक्षण विभागाने चांगली तयारी केली होती. यासाठी नवोदय विद्यालय समिती आणि प्राचार्य कमलाकर धोपटे यांनी सर्वांचे आभार मानले आहे.