सर्व खाजगी व सार्वजनिक क्षेत्रातील आस्थापनानी ई-आर 1 सादर करण्यासाठी ऑनलाईन सुविधांचा लाभ घ्यावा
यवतमाळ, दि. 20 जुलै (जिमाका) :- कौशल्य विकास, रोजगार व उद्योजकता आयुक्तालय यांच्याकडून पुरविण्यात येणाऱ्या रोजगार विषयक सर्व सेवा आत्ता ऑनलाइन करण्यात आलेल्या आहेत. या सुविधा ऑनलाईन पध्दतीने पुरविण्यात येतात. त्यासाठी www.rojgar.mahaswayam.gov.in हे संकेतस्थळ विकसित करण्यात आले आहे. तसेच उद्योजक / आस्थापना यांनी सेवायोजना कार्यालय ( रिक्त पदे अधिसूचित करण्याची सक्ती करणारा कायदा 1959) अन्वये त्रैमासिक ई-आर 1 ऑनलाइन सादर करणे बंधनकारक आहे. जून-2022 अखेर संपणाऱ्या त्रैमासिक करिता ई-आर-1 या प्रपत्राची माहिती वरिल संकेतस्थळावर सर्व शासकीय/ निमशासकीय /खाजगी उद्योजक / आस्थापना यांनी त्यांचे युजर आयडी व पासवर्डच्या माध्यमातून लॉगिन करुन ऑनलाइन सादर करावयाची आहे, व त्याबाबतचे प्रमाणपत्र संकेतस्थळावरुन प्राप्त करुन घ्यावयाचे आहे.
ऑनलाईन ई-आर 1 सादर करताना काही अडचण आल्यास जिल्हा कौशल्य विकास, रोजगार व उद्योजकता मार्गदर्शन केंद्र, यवतमाळ या कार्यालयाशी व ०७२३२-२४४३९५ या दुरध्वनी क्रमांकावर संपर्क साधावा. ई-आर 1 सादर करण्याची अंतिम मुदत 31 जुलै,2022 आहे. ई-आर 1 ऑनलाइन सादर न करणाऱ्या कसुरदार आस्थापनावर विहित नियमानुसार कार्यवाही करण्यात येणार आहे असे जिल्हा कौशल्य विकास रोजगार व उद्योजकता मार्गदर्शन केंद्राच्यास सहायक आयुक्त विद्या शितोळे, यांनी कळविले आहे.
Comments
Post a Comment