लोकशाही दिनाच्या धर्तीवर शिक्षण विभागात होणार ‘संवाद दिन’
Ø शिक्षक व शिक्षकेतर कर्मचाऱ्यांच्या तक्रारी जाणून घेणार
Ø दर महिन्याच्या दुसऱ्या सोमवारी होणार आयोजन
यवतमाळ, दि 15 जुलै (जिमाका) :- शालेय शिक्षण विभागाच्या अंतर्गत मान्यता प्राप्त खाजगी अनुदानीत, विना अनुदानीत, अंशत: अनुदानीत शाळेतील शिक्षक व शिक्षकेत्तर कर्मचाऱ्यांच्या सेवेचे महत्व व त्यामुळे समाजाचे सकारात्मक परिवर्तन होण्यामध्ये त्यांची महत्वपुर्ण भूमिका विचारात घेता, सदर घटकांच्या तक्रारी / अडचणी न्याय भुमिकेतुन सोडविण्यासाठी लोकशाही दिनाच्या धर्तीवर शालेय शिक्षण विभागामार्फत “संवाद दिन” आयोजित करण्यात येणार आहे.
जिल्हास्तरावर प्रत्येक महिन्याचा दुसरा सोमवारी दुपारी 3 वाजता शिक्षण विभाग (माध्यमिक) जिल्हा परिषद, यवतमाळ येथे संवाद दिन आयोजित करण्यात येणार आहे. तरी ज्या शिक्षक, शिक्षकेत्तर कर्मचाऱ्यांच्या तक्रारी / अडचणी असतील त्यांनी विहीत नमुन्यात संवाद दिन अर्ज 15 दिवसाचे आधी शिक्षण विभाग (माध्यामिक) जिल्हा परिषद, यवतमाळ येथे सादर करावा असे शिक्षणाधिकारी (माध्यामिक) डॉ. जयश्री राऊत यांनी कळविले आहे.
Comments
Post a Comment