शिवाजी महाविद्यालयात ‘अर्श’ कार्यशाळा
यवतमाळ,
दि. 23 : राष्ट्रीय आरोग्य मिशन अंतर्गत जिल्हा शल्य चिकीत्सक कार्यालयातर्फे
राबविण्यात येणारा ‘अर्श’ (किशोरवयीनाचे प्रजनन आणि लैंगिक आरोग्य) कार्यक्रमाची
कार्यशाळा शिवाजी विद्यालय आणि कनिष्ठ महाविद्यालयात दि. 16 सप्टेंबर रोजी पार
पडली.
कार्यशाळेच्या
सुरवातीला अर्श कार्यक्रमाची माहिती देण्यात आली. अर्श कार्यक्रमाच्या समन्वयक
किरण ठाकरे यांनी मार्गदर्शन केले. अर्श म्हणजे किशोरवयीन मुला-मुलींचे प्रजनन आणि
लैंगिक कार्यक्रम याविषयी सविस्तर माहिती देण्यात आली. किशोरवयीन म्हणजे काय,
मासिक पाळीत घ्यावयाची काळजी, स्वच्‍छता, मासिकपाळीचे चक्र, प्रजनन आणि लैंगिक
आजारांची लक्षणे आणि उपाय एचआयव्ही एड्स, किशोर वयातील पोषक आहार, किशोरवयात
होणारे शारीरिक, भावनिक, मानसिक, लैंगिक बदल, ॲनिमियाची लक्षणे, घ्यावयाची काळजी
आणि उपचाराविषयाची माहिती देण्यात आली. तसेच अभ्यासपद्धतीचा अर्थ स्पष्ट केला.
सकारात्मक विचारांनी जीवनात निर्माण होणारी यशस्विता यावर मार्गदर्शन करण्यात आले.
मुलींना त्यांच्या वैयक्त‍िक अडचणी विचारण्यात आल्या. त्यांच्या सर्व प्रश्नांचे
समाधान करण्यात आले. याविषयी अडचण निर्माण झाल्यास कार्यालयात भेटण्यास सांगितले. यात
शाळा, महाविद्यालयातील 150 विद्यार्थिनींनी सहभाग घेतला. कार्यक्रमाला महाविद्यालयाच्या
सुरेखा घोडमारे, सोनाली वानखेडे उपस्थित होत्या.
0000
Comments
Post a Comment