आयसोलेशन वॉर्डतील 118 लोकांचे रिपोर्टस नेगेटिव्ह
v 26 जणांना सुट्टी
यवतमाळ, दि.
16 : वसंतराव नाईक शासकीय वैद्यकीय महाविद्यालयाच्या आयसोलेशन वॉर्डात दाखल असलेल्या
118 लोकांचे रिपोर्ट्स निगेटिव्ह आले असून 26 जणांना सुट्टी देण्यात आली आहे.
मात्र प्रतिबंधात्मक उपाययोजना म्हणून पुढील 14 दिवस त्यांना गृह विलगीकरणात
आरोग्य विभागाच्या निगराणीखाली ठेवण्यात येणार आहे, अशी माहिती जिल्हाधिकारी एम.
डी. सिंह यांनी दिली.
गत 24 तासात
3 जण आयसोलेशन वार्डमध्ये भरती झाले आहेत. सध्यास्थितीत एकूण 75 जण भरती आहेत. तसेच
वैद्यकीय महाविद्यालयाला एकूण 118 निगेटिव्ह रिपोर्ट प्राप्त झाले, तर 13
रिपोर्टचे निश्चित काही सांगता येत नसल्यामुळे हे 13 नमूने पुन्हा तपासणीसाठी
पाठविण्यात येणार आहे.
आयसोलेशन
वार्डमध्ये पॉझेटिव्ह असलेल्या रुग्णांची संख्या 10 आहे. गुरुवारी एकूण 136 नमूने
तापसणीसाठी नागपुरला पाठविण्यात आले आहे. गृह विलगीकरणात एकूण 152 जण असून
संस्थात्मक विलगीकरणाअंतर्गत अल्पसंख्यांक मुलींचे
वसतीगृहात 104 जण ठेवण्यात आले आहे.
००००००००
Comments
Post a Comment