गेल्या 24 तासात 11 कोरोना पॉझिटिव्ह

यवतमाळ, दि 24 जून, (जिमाका) :- गेल्या 24 तासात यवतमाळ जिल्ह्यातील 11 जण कोरोना पॉझिटिव्ह आढळून आले आहे. यात दारव्हा तालुक्यातील दोन, दिग्रस तीन, नेर एक, राळेगाव एक व यवतमाळ येथील चार रूग्णांचा समावेश असून त्यात चार महिला व सात पुरूष आहेत. जिल्हा परिषद आरोग्य विभागातर्फे प्राप्त अहवालानुसार आज एकूण 430 जणांचे रिपोर्ट प्राप्त झाले. यापैकी 11 अहवाल पॉझिटिव्ह असल्याने उर्वरित 419 जणांचे रिपोर्ट निगेटिव्ह आले आहेत. जिल्ह्यात आतापर्यंत एकूण पॉझेटिव्ह रुग्णांची संख्या 79106 आहे. तर काल पाच जण बरे झाल्याने आतापर्यंत बरे झालेल्यांची एकूण संख्या 77276 झाली आहे. ॲक्टीव्ह पॉझिटीव्ह रुग्णांची संख्या जिल्ह्यात 24 व बाहेर जिल्ह्यात तीन अशी एकूण 27 झाली आहे. जिल्ह्यात कोरोनामुळे एकूण 1803 मृत्यूची नोंद आहे. जिल्ह्यात आतापर्यंत आठ लाख 79 हजार 222 चाचण्या झाल्या असून त्यापैकी आठ लाख 116 निगेटिव्ह आहेत. सद्यस्थितीत जिल्ह्याचा पॉझिटीव्हीटी दर 9.0 असून दैनंदिन पॉझिटीव्हीटी दर 2.56 आहे तर मृत्यूदर 2.28 आहे. नागरिकांनी कोरोना त्रीसुत्री नियमांचे पालन करावे, तसेच कोरोनाचा पहिला, दुसरा व तीसरा डोज घेवून पुर्ण लसीकरण करावे व स्वत:ला सुरक्षीत करावे, असे आवाहन जिल्हाधिकारी अमोल येडगे यांनी केले आहे.