दिव्यांग प्रमाणपत्र व वैश्वीक ओळखपत्र देण्यासाठी विशेष मोहीम
शासकीय वैद्यकीय रुग्णालयात नोंदणी व तपासणीकरिता दिवस निर्धारित
यवतमाळ, दि 3 जून, (जिमाका) :- दिव्यांग व्यक्तींना संगणकीय प्रणालीद्वारे ऑनलाईन दिव्यांग प्रमाणपत्र व वैश्वीक ओळखपत्र (युडीआयडी) देण्यासाठी जिल्ह्यात विशेष मोहिम राबविण्यात येत असून यासाठी श्री. वसंतराव नाईक शासकीय वैद्यकीय महाविद्यालय व रुग्णालय यवतमाळ येथे ओळखपत्र नोंदणीसाठी व तज्ञांद्वारे तपासणीकरिता वार व वेळ निर्धारित करुन देण्यात आली आहे.
दिव्यांग प्रमाणपत्र असणाऱ्यांकरिता युडीआयडी (वैश्वीक ओळखपत्र) मिळण्यासाठी सोमवार व मंगळवार सकाळी 10.00 ते 2.00 वाजेपर्यंत नोंदणी करता येईल तर नविन दिव्यांग प्रमाणपत्र काढण्यासाठी संबधीत तज्ञांकडून बुधवार,गुरुवार व शुक्रवार सकाळी 10.00 ते 2.00 वाजेपर्यंत तपासणीची वेळ ठरवून देण्यात आली आहे.
तरी सर्व दिव्यांग व्यक्तींनी युडीआयडी वैश्वीक ओळखपत्र व दिव्यांग प्रमाणपत्र प्राप्त करण्यासाठी निर्धारित दिवशी व वेळी उपस्थित राहून विशेष मोहिमेचा लाभ घ्यावा, असे जिल्हा परिषदेचे जिल्हा समाज कल्याण अधिकारी पीयूष चव्हाण यांनी आवाहन केले आहे.
Comments
Post a Comment