यवतमाळची व्यक्ती मुंबईत पॉझिटिव्ह

यवतमाळ, दि 14 जून, (जिमाका) :- गेल्या 24 तासात जिल्ह्यातील 26 वर्षीय पुरूष मुंबई येथे कोरोना पॉझिटिव्ह आढळून आला आहे. जिल्हा परिषद आरोग्य विभागातर्फे प्राप्त अहवालानुसार आज एकूण 410 जणांचे रिपोर्ट प्राप्त झाले. यापैकी एक अहवाल पॉझिटिव्ह असल्याने उर्वरित 409 जणांचे रिपोर्ट निगेटिव्ह आले आहेत. जिल्ह्यात आतापर्यंत एकूण पॉझेटिव्ह रुग्णांची संख्या 79071 आहे तर बरे झालेल्यांची एकूण संख्या 77266 आहे. ॲक्टीव्ह पॉझिटीव्ह रुग्णांची संख्या जिल्ह्यात निरंक तर बाहेर जिल्ह्यात दोन आहे. जिल्ह्यात कोरोनामुळे एकूण 1803 मृत्यूची नोंद आहे. जिल्ह्यात आतापर्यंत आठ लाख 74 हजार 811 चाचण्या झाल्या असून त्यापैकी सात लाख 95 हजार 740 निगेटिव्ह आहेत. सद्यस्थितीत जिल्ह्याचा पॉझिटीव्हीटी दर 9.04 असून दैनंदिन पॉझिटीव्हीटी दर 0.24 आहे तर मृत्यूदर 2.28 आहे. नागरिकांनी कोरोना त्रीसुत्री नियमांचे पालन करावे, तसेच कोरोनाचे लसीकरण पुर्ण करून स्वत:ची काळजी घ्यावी, असे आवाहन जिल्हाधिकारी अमोल येडगे यांनी केले आहे. 0000