औद्योगिक प्रशिक्षण संस्थेमध्ये शिकाऊ उमेदवार भरती मेळावा

जवाहर नवोदय विद्यालयात प्रवेशाची संधी

            यवतमाळ, दि. 25 : घाटंजी तालुक्यातील बेलोरा येथील जवाहर नवोदय विद्यालयात सहावीमध्ये प्रवेशास इच्छुक विद्यार्थ्यांकडून प्रवेश परिक्षेसाठी अर्ज मागविण्यात आले आहे. प्रवेश अर्ज दिनांक 16 सप्टेंबरपर्यंत स्विकारले जातील. ही  प्रवेश परिक्षा शनिवार दिनांक 8 जानेवारी 2017 रोजी होणार आहे.

            परिक्षेचे आवेदन पत्र आणि माहिती पुस्तक माध्यमिक शिक्षणाधिकारी, पंचायत समित्यांमधील गटविकास अधिकारी, तसेच बेलोरा येथील जवाहर नवोदय विद्यालयात विनामुल्य उपलब्ध आहे. प्रवेशासाठी विद्यार्थी जिल्ह्यातील शासकीय किंवा मान्यताप्राप्त शाळेत पाचवीमध्ये सन 2015-16 वर्षात शिकत असावा, विद्यार्थ्याने सन 2014-15, 2015-16 आणि 2016-17 मध्ये सलग तिसरी, चौथी आणि पाचवी उत्तीर्ण केलेली असावी, विद्यार्थ्याचा जन्म 1 मे 2004 ते 30 एप्रिल 2008 दरम्यान झालेला असावा, नवोदय विद्यालयात 75 टक्के जागा ग्रामिण विद्यार्थ्यांसाठी राखीव राहणार आहे. 15 टक्के जागा अनुसूचित जाती, 7.5 टक्के जागा अनुसूचित जमाती आणि 3 टक्के जागा अपंग उमेदवारांकरीता राखीव राहतील. संपुर्ण भरलेला अर्ज विद्यार्थी ज्या शाळेत पाचवीत शिक्षण घेत असेल, त्या शाळेच्या मुख्याध्यापकामार्फत संबंधित पंचायत समितीचे गटशिक्षणाधिकारी यांच्याकडे दि. 16 सप्टेंबरपर्यंत सादर करावा, असे माध्यमिक शिक्षणाधिकारी यांनी कळविले आहे.

00000